15.12.2023, 17:35 233
- Şuşa Rayon İcra Hakimiyyətinin başçısı Bayram Səfərov Mingəçevir şəhər texniki peşə məktəbində Şuşa rayon sakinləri ilə növbəti səyyar qəbulunu keçirib.
Səyyar görüşdə çıxış edən icra başçısı Bayram Səfərov qeyd edib ki, vətəndaşların qəbulu Azərbaycan Respublikasının Prezidenti cənab İlham Əliyevin əhali ilə daha sıx təmas qurmaqla bağlı tapşırığına uyğun olaraq keçirilir və əsas məqsəd insanların problemlərini dinləmək və operativ şəkildə həll etməkdir. RİH başçısı respublikada əhalinin rifah halının yüksəldilməsi istiqamətində həyata keçirilən sosial-iqtisadi islahatlar, aparılan abadlıq-quruculuq işləri, sakinlərin rahatlığının təmin olunması, sahibkarlığın inkişafı, vətəndaş məmnunluğunun artırılması istiqamətində görülən işlər barədə məlumat verərək, sakinləri fərdi qaydada dinləyib.
Sakinlər tərəfindən qaldırılan məsələlərin bir qismi yerindəcə həll olunub, araşdırılmasına ehtiyac olan bir sıra məsələlərin qanunvericiliyə uyğun, operativ həlli üçün müvafiq tapşırıqlar verib.
Hazırladı: Mina RƏŞİD
