19.06.2023, 17:28 200
Böyük Zəfərə gedən yolda mərdliklə döyüşən igidlərimizdən biri də Sərvət Həsrət oğlu Babaşovdur. O, 14 yanvar 1989-cu ildə Ağsu rayonunun Bico kəndində anadan olmuşdur. Elə kəndlərindəki Arif Cəbiyev adına tam orta məktəbdə oxumuşdur. Həqiqi hərbi xidmətə çağırılan Sərvət Xüsusi Təyinatlı Qüvvələrdə xidmət keçmişdir. Vətən müharibəsində o, Cəbrayıl, Füzuli istiqamətində döyüşmüşdür. Azərbaycan Respublikasının Prezidenti cənab İlham Əliyevin sərəncamı ilə ona "Cəbrayılın azad olunmasına görə", "Hərbi xidmətlərə görə", "Şücaətə görə", "Azərbaycan Respublikası Silahlı Qüvvələrinin 95 illiyi", "Azərbaycan Respublikası Silahlı Qüvvələrinin 100 illiyi", III dərəcəli "Qüsursuz xidmətə görə" medalları verilmişdir. Qazimiz II dərəcəli əlildir, gizir kimi Azərbaycan Respublikası Müdafiə Nazirliyində işləyir.
İsa Musayev
