17.10.2025, 16:29 134
- Bu il III Milli Şəhərsalma Forumu çərçivəsində iştirakçılar Xankəndi, Şuşa və digər ərazilərdə aparılan şəhər və kəndlərin bərpası, yeni mənzillərin tikintisi, iş imkanları və insanların sağlam həyat şəraitinə qayıtması ilə bağlı təqdimatlar əldə ediblər.
Bu sözləri jurnalistlərə açıqlamasında Dövlət Şəhərsalma və Arxitektura Komitəsinin sədri Anar Quliyev deyib.
A. Quliyev vurğulayıb ki, forumun hər il inkişaf edən formatı iştirakçılara regional əməkdaşlıq, innovativ həllər və iqlim dəyişikliyinə davamlı şəhərsalma sahəsində təcrübə mübadiləsi üçün geniş imkanlar yaradır.
Komitə sədri bildirib ki, forumun beynəlxalq əhəmiyyəti artır, bu il sessiyalarda 400-dən çox iştirakçı bir araya gəlib, və gələn il Azərbaycan Dünya Şəhərsalma Forumuna ev sahibliyi edəcək: “Builki forum bu istiqamətdə atılan vacib addımdır”.(AZƏRTAC)
