23.11.2023, 16:34 174
2023-cü ilin doqquz ayı ərzində Azərbaycanda 60,9 min yeni iş yerləri açılıb. Bu dövrdə iş yerlərinin 92,6 faizi qeyri-dövlət sektorunda açılıb. Yeni açılan iş yerlərinin 80,4 faizi Bakı şəhərinin payına düşüb. Yeni açılan iş yerlərinin bölgüsündə işğaldan azad olunmuş ərazilərin də payı var.
"Vətən səsi" xəbər verir ki, bu barədə Dövlət Statistika Komitəsinin 2023-cü ilin 3-cü rübünün yekunlarına dair hesabatında bildirilir. Qeyd olunur ki, yeni açılan iş yerlərinin 1,2 faizi Naxçıvan Muxtar Respublikasının, 18,4 faizi digər regionların, o cümlədən 3,6 faizi Abşeron-Xızı, 2,7 faizi Quba-Xaçmaz, 1,9 faizi Gəncə-Daşkəsən, 1,8 faizi Şəki-Zaqatala, 1,5 faizi Qazax-Tovuz, 1,4 faizi Mərkəzi Aran, 1,4 faizi Şirvan-Salyan, 1,2 faizi Qarabağ, 0,9 faizi Lənkəran-Astara, 0,9 faizi Şərqi Zəngəzur, 0,6 faizi Dağlıq Şirvan, 0,5 faizi isə Mil-Muğan iqtisadi rayonlarının payına düşüb.
İş yerlərinin 9,1 faizi yeni yaradılan müəssisə və təşkilatlarda, 90,1 faizi mövcud müəssisə və təşkilatlarda, 0,4 faizi fəaliyyətini bərpa edən müəssisə və təşkilatlarda, 0,4 faizi isə digər müəssisələr üzrə yaradılıb.
Elxan SALAHOV
