31.01.2023, 11:00 319
- “Cənab Prezident, biz ötən on illiyə görə Sizə minnətdarıq. Biz Sizin enerjiyə görə dostunuz deyilik. Bilirik ki, Sizin çoxlu enerji ilə bağlı dostlarınız var. Biz Sizinlə mədəniyyəti, oxşar keçmişi paylaşırıq. Sizin bizə təklif etdiyiniz imkanları çox yüksək dəyərləndiririk”.
Bu fikirləri Macarıstanın Baş naziri Viktor Orban Azərbaycan Prezidenti İlham Əliyevin şərəfinə verilən rəsmi naharda bildirib.
Macarıstanın baş naziri çıxışında onu da bildirib ki, Azərbaycan cənubda İranla, şimalda Rusiya ilə, Macarıstan isə qərbdə Almaniya, şərqdə Rusiya ilə sərhəddir. Biz bundan keçmişik. Biz vəziyyətə bələdik. Belə bir mürəkkəb vəziyyətdə xalqı idarə etməyin nə dərəcədə çətin olduğunu bilirik. Bu, bizə dostluğumuzun möhkəmlənməsində çox kömək edib.
“Biz xarici siyasətdə bir-birimizi başa düşürük. Mən son on ildə Prezident İlham Əliyevdən o qədər çox şey öyrənmişəm ki, olduqca mürəkkəb mühitdə ölkəyə necə yaxşı rəhbərlik etmək lazımdır. Əfsuslar olsun ki, onun bütün bildiklərini öyrənə bilmədim. Çünki biz radikal tərəfə meylliyik və o daha mülayim baxışları ilə tanınan siyasi xadimdir. Mən ondan beynəlxalq arenada mülayim şəkildə necə daha da uğurlu olmağı öyrənməliyəm”, - deyə Viktor Orban vurğulayıb.
Hazırladı: Mina RƏŞİD
