28.11.2022, 16:10 327
- ABŞ Azərbaycanla Ermənistanın liderlər və xarici işlər səviyyəsində bilavasitə qarşılıqlı fəaliyyət üzrə səylərini alqışlayır və ABŞ Dövlət Departamentinin Qafqaz danışıqları üzrə baş müşaviri Filip Riker bu prosesə daha böyük təkan verməyə ümid edir.
Bunu bu gün ABŞ-ın Azərbaycandakı səfirliyindən bildiriblər.
"Səfir Riker Qafqaz danışıqları üzrə baş müşavir olaraq ölkələrin rəhbərlikləri ilə görüşmək üçün regiona səfər edib. Onun müzakirələri gələcək Ermənistan-Azərbaycan danışıqları prosesinə, sülh, inkişaf və regional əməkdaşlığın qurulması üçün qalan məsələlərin həllinə yönələcək. O, səfəri çərçivəsində Cənubi Qafqaın hər üç ölkəsinə gedəcək. Noyabrın 28-də Riker Bakıya gəlib, bundan sonra Tbilisi və İrəvana gedəcək", - səfirlikdən deyiblər.
Qeyd olunub ki, bu səfər ABŞ dövlət katibi Entoni Blinkenin noyabrın 7-də Vaşinqtonda Ermənistan və Azərbaycan XİN rəhbərləri ilə görüşünün davamıdır.
