17.10.2025, 16:48 139
- Ermənistanda yük maşınlarının sürücüləri miqrasiya probleminin həll olunmayacağı halda yolları bağlayacaqlarını bəyan ediblər.
"Vətən səsi" xəbər verir ki, bu barədə Ermənistan mətbuatı mətbuatı yayıb. Bildirilir ki, Ermənistanda yükdaşıma ilə məşğul olan sürücülər hökumət binası önündə etiraz aksiyası keçiriblər. Onlar Rusiyaya giriş üçün miqrasiya məhdudiyyətlərinin aradan qaldırılmasını tələb edirlər.
Aksiya iştirakçıları hökumətdən problemin həlli üçün dəqiq müddət və mexanizm açıqlanmasını istəyiblər. Sürücülərin sözlərinə görə, iqtisadiyyat naziri Gevork Papoyan daha əvvəl bu məsələni həll edəcəyi barədə vədlər versə də, indiyədək heç bir real addım atılmayıb. Etirazçılar xəbərdarlıq ediblər ki, tələbləri cavabsız qaldığı təqdirdə, ölkənin əsas magistral yollarını bağlayacaqlar.
Elxan SALAHOV
