26.08.2025, 10:58 174
- “Azərbaycan, Ermənistan, Gürcüstan - Rusiya, Türkiyə, İran arasında 3+3 formatında danışıqlar Cənubi Qafqazda problemlərin həlli üçün daha səmərəli mexanizmə çevriləcək”.
"Vətən səsi" xəbər verir ki, bunu İran Prezidenti Məsud Pezeşkian Rusiya Prezidenti Vladimir Putinlə telefon danışığında bildirib. O, qeyd edib ki, bu yaxınlarda Ermənistana səfəri zamanı Baş naziri Nikol Paşinyan ABŞ və Azərbaycan prezidentləri ilə Vaşinqtonda keçirilən danışıqlarda regiondakı böyük güclərin də maraqlarının nəzərə alındığını deyib: "Ermənistana sonuncu səfərim zamanı Nikol Paşinyan məni əmin etdi ki, Azərbaycan Respublikası və ABŞ ilə danışıqlarında və razılaşmalarında İranla Rusiyanın maraqları tam nəzərə alınıb. Bunu nəzərə alaraq, hesab edirəm ki, 3+3 fotmatının çərçivəsi daha səmərəli olacaq və Rusiyanın İranla danışıqlarda iştirakı və mexanizmin yenidən qurulması üçün daha effektiv olacaq”.
Xatırladaq ki, Cənubi Qafqaz üzrə altıtərəfli əməkdaşlıq formatı təşəbbüsü 2020-ci ilin sonunda Azərbaycan və Türkiyə prezidentləri İlham Əliyev və Rəcəb Tayyib Ərdoğan tərəfindən irəli sürülüb. Rusiya və İran bu ideyanı alqışlayıb, Ermənistan da bu formata qoşulub. Gürcüstan Rusiyaya görə bu təşəbbüsdə iştirak etməyi planlaşdırmadığını açıqlayıb.
Elxan SALAHOV
