11.03.2025, 10:13 122
- "Ermənistan Türkiyə ilə münasibətlərin normallaşmasında maraqlıdır və maksimum dərəcədə bu prosesdə iştirak etməyə çalışır".
"Vətən səsi" xəbər verir ki, bunu Ermənistanın xarici işlər naziri Ararat Mirzoyan deyib. O, əminıiklə bildirib ki, Türkiyə ilə əlaqələrin normallaşması Azərbaycanla da münasibətlərin qurulmasına və bütövlükdə regiona sülh gətirəcək: "Əminik ki, münasibətlərin tam həlli, xüsusən diplomatik münasibətlərin qurulduğu və sərhədlərin açıldığı indiki dövrdə regional sülh və sabitliyə mühüm töhfə verəcək. Biz bu dialoqu davam etdiririk və əməli addımlar atmışıq. Biz, həmçinin iki ölkənin ümumi sərhədində yerləşən əlamətdar tarixi məkan olan Ani körpüsünün birgə bərpası barədə razılığa gəldik. Bu, artıq qəbul edilmiş, birbaşa hava əlaqəsini yaradan və hava yüklərinin daşınmasında maneələri aradan qaldıran qərarları tamamlayır. Biz həmçinin sərhədin diplomatik pasport sahibləri və üçüncü ölkə vətəndaşları üçün açılmasına razılaşdıq, baxmayaraq ki, sonuncu hələ həyata keçirilməyib. Bu sazişlərin həyata keçirilməsi təkcə Ermənistan və Türkiyənin deyil, bütün regionun xeyrinə olacaq. Çünki açılmış nəqliyyat marşrutları regional sülh və sabitlik üçün həlledici amilə çevriləcək".
Elxan SALAHOV
