27.09.2024, 17:49 213
- Ötən ilin sentyabrında Qarabağda keçirilən antiterror tədbirlərindən sonra Ermənistana qaçan separatçı qurumun sonuncu "lideri" Samvel Şahramanyan qondarma "Artsax"ın rəhbərliyində təmsil olunmuş silahdaşlarının həbs olunduğu halda özünün necə xilas olmasına dair bəzi açıqlamalarla çıxış eşidb.
"Vətən səsi" xəbər verir ki, Qarabağdakı keçmiş separatçı-terrorçuların özünü buraxan keçmiş başçısı Ermənistan mətbuatına açıqlamasında Xankəndidən İrəvana necə qaçdığına aydın cavab verə bilməyib. O, "Azərbaycanda qəbul edilən qərarları şərh edə bilmərəm. Həbslə bağlı qərarları azərbaycanlılar verib", - deyə sualdan yayınmağa çalışıb.
Samvel Şahramanyan media nümayəndələrinin təkrar sualına “Hazırda haqqımda niyə həbs qərarının verilmədiyini bilmirəm. Düşünürəm ki, zamanla bunun cavabını alacağıq”, - deyə o bildirib.
Xatırladaq ki, 2023-cü ilin 28 sentyabrında Samvel Şahramanyan qondarma qurumun özünü buraxdığı haqda “sərəncam” imzaladıqdan sonra Azərbaycanı tərk edə bilib.
Elxan SALAHOV
