Qərbi Azərbaycan İcmasından bildiriblər ki, Ü.Zülfiqar 1987-1991-ci illərdə sonuncu deportasiya dalğasında Ermənistandan 300 min azərbaycanlının qovulması, onların hələ də öz evlərinə qayıda bilməməsi və bununla da inkişaf hüququnun pozulması haqqında məruzəçiyə məlumat verib. QAİ-nin mətbuat katibi mandatı çərçivəsində BMT-nin İnkişaf hüququ üzrə xüsusi məruzəçisindən bu məsələ ilə məşğul olmağı xahiş edib.
Xüsusi məruzəçi Surya Deva qaldırılan məsələ ilə yaxından tanış olacağını bildirib.
İcma nümayəndəsi xüsusi məruzəçiyə Qərbi Azərbaycan İcmasının BMT-nin bütün rəsmi dillərində nəşr olunmuş Qayıdış Konsepsiyasını təqdim edib. (AZƏRTAC)