26.01.2024, 16:43 175
- Yeddi fevral seçkiləri ərəfəsində diqqətin daha çox Azərbaycanın işğaldan azad edilmiş rayonlarına yönəldiyi şübhəsizdir. Doğma Qarabağımızda, Şərqi Zəngəzurda prezident seçkiləri sıradan bir hadisə sayıla bilməz.
121 saylı Laçın seçki dairəsinin 106 saylı seçki məntəqəsinin sədri Qardaşxan Dostuyev secki-2024.az saytına açıqlamasında keçmiş məcburi köçkünlərdə yüksək seçki əhvalının yaşandığını xüsusi olaraq vurğulayıb:
“Otuz bir ildən sonra doğma yurdlarına qayıtmış laçınlılar bu seçkiləri özləri üçün əsl bayram kimi qəbul edirlər. Bu gün Laçınlıların hamısı məhz doğma yurdlarında səs vermək istəyirlər”.
Qeyd edək ki, fevralın 7-də Azərbaycanda növbədənkənar Prezident seçkiləri keçiriləcək. (Trend)
