18.06.2025, 21:35 127
- Türkiyə Prezident Rəcəb Tayyib Ərdoğan Ermənistanın baş naziri Nikol Paşinyanı İstanbulda qəbul edəcək.
Bu barədə Türkiyə Prezidenti Administrasiyasının İctimaiyyətlə Əlaqələr Departamentinin rəhbəri Fəxrəddin Altun “X”dəki səhifəsində yazıb.
O, Ermənistanın baş nazirinin iyunun 20-də Türkiyəyə işgüzar səfər edəcəyini açıqlayıb.
"Ermənistanın baş naziri Nikol Paşinyan 2025-ci il iyunun 20-də ölkəmizə işgüzar səfər edəcək. Prezidentimiz Rəcəb Tayyib Ərdoğan Paşinyanı İstanbulda qəbul edəcək", - F.Altun qeyd edib.
Daha əvvəl Paşinyan Ərdoğanla danışıqların gündəliyini açıqlamayıb. "Səfərin gündəliyi ilə bağlı ictimaiyyət üçün birgə bəyanat planlaşdırılır. Razılaşmalara əsasən, bəyanatın bəndlərini vaxtından əvvəl açıqlamaq olmaz", - o bildirib. (Report)
