14.01.2025, 12:30 319
- Öz yaradıcılıq üslubu ilə digərlərindən fərqlənən, baş nazir Nikol Paşinyanın sabiq iş yoldaşı, spiker Alen Simonyanın qaynanası Armine Ohanyan bu günkü köşə yazısında Müzəffər Ali Baş Komandan, Prezident cənab İlham Əliyevin bir həftədir ki, hay mətbuatında gündəmdə olan müsahibəsinə fikir bildirib.
O, yazıb ki, 2025-ci il də Ermənistan üçün yaxşı heç nə vəd etmir və Paşinyanın ölkədə faşist rejimi yaratdığını təsdiqləyir. Baş redaktor əlavə edib ki, Nikol həmişə gülümsəyir və gülümsər üzü ilə haylar üçün vay- şivənə səbəb olan işlər görür.
Sonda Ermənistandakı faşist rejiminin guya Azərbaycanın maraqlarına xidmət etdiyini vurğulayan "müxalif qaynana" əhalini sözügedən rejimdən xilas olmağa səsləyib. Amma unudur ki, 4 ildən də çox bir müddətdə keçirilən hətta kütləvi etiraz aksiyaları belə həmin rejimi tərpədə bilməyib. Bunun üçün yalnız Azərbaycanın dəmir yumruğu lazımdır.
N.Qaramanlı
