20.08.2024, 15:42 250
- "Hraparak"ın müxbiri Karen Martirosyan yazıb ki, Ermənistanın sabiq müdafiə naziri David Tonoyan həbsxanadan ev dustaqlığına buraxıldıqdan sonra daim jurnalistlərdən yayınıb və yaxın çevrəsində əsl həqiqəti açıqlamaq istəmədiyini bildirib.
Bu gün isə o, növbəti dəfə məhkəməyə çağırılarkən həyətdə jurnalistlər tərəfindən sorğu-suala tutulub. Müstəqil jurnalist Ruben Dövlatyanın "Siz, yeni ərazilər uğrunda yeni müharibə" şüarının müəllifisiniz. Yeni müharibə oldu və Ermənistan Qarabağı birdəfəlik itirdi. İndi özünüzü necə hiss edirsiniz?"- sualı onu pərt edib. O bir qədərdən sonra deyib ki, əgər sizin kimi gənclər fərarilik etməsə idilər, mən dediklərim olardı. Jurnalist təhərini pozmadan "həmin gənclər fərariliyi sizdən öyrənib"- dedikdən sonra sabiq müdafiə naziri "fərari sənin nəslindəkilərdir", - deyərək cəld məhkəmə binasına daxil olub.
"Hraparak" əməkdaşı həmin jurnalistin sözlərində həqiqət olduğunu etiraf edərək vurğulayıb ki, 44 günlük müharibə bir daha göstərdi ki, haylar döyüş vaxtı vuruşmağı yox, gizlənməyi daha yaxşı mənimsəyib.
Nəsib
