11.07.2024, 12:44 343
- Ermənistan hakimiyyətinə qarşı əsassız ittihamlarla çıxış etdikdən sonra siyasi müxalifət statusu alan və "Vətən naminə Tauş" adlı revanşçı hərəkata başçı olan keşiş Bağrat Qalustyanın tərəfdarları get-gedə azaldığına görə paytaxtdan bölgələrə elektorat axtarışına başlaması prosesi davam edir.
"Hraparak" xəbər verir ki, keşiş və daha bir neçə siyasi həmkarı bu həftənin şənbə, bazar günlərində Kotayk vilayətinə gedib Hrazdan, Çarensavan və Sbovyan şəhərlərində mitinq keçirməyi planlaşdırıb. Əlavə olunub ki, hərəkatın "Vətən naminə Tauş" adı isə dəyişdirilərək "Srpazan baykar" ("müqəddəs mübarizə") edilib.
Hay keşişlərin bu şüarla öz xalqını bədbəxt duruma gətirməsi isə tarixdə dəfələrlə baş verib. Bu indi də görünür. Çünki ad yeni olsa da hava köhnədir.
Nəsib Qaramanlı
