12.12.2023, 15:49 251
- "Hraparak"ın bu günkü yayımında xəbər verilir ki, "Zəng" hərəkatı xeyli vaxtdır M.Maştos abidəsi önündə aksiya keçirir. Ermənistan parlamentinin sabiq üzvü, Azərbaycanşünas Tatevik Hayrapetyan," Vətəndaş qərarı" partiyasının sabiq üzvləri Suren Sahakyan, Mikayıl Nahapetyan və onların tərəfdarları əhaliyə müraciət edərək onları " yuxudan oyanıb" nəhayət, Paşinyanın istefasına nail olunması üçün küçələrə axışıb etiraz aksiyası keçirməyə çağırıblar.
"Hraparak"ın müxbirinin sualını cavablandıran Mikayıl Nahapetyan bildirib ki, polislər hələ güc tətbiq etmirlər.Amma etirazçıların sayı durmadan artsa və güclənsək, onlar güc tətbiq edəcəklərini,həbslər olacağını gizlətmirlər.
Müxbir Hayk Gevorkyanın "mübarizə nə vaxtadək davam edəcək" sualını isə o belə cavablandırıb: "Problemlər həll edilmir. Müəyyən vaxtdan sonra Ermənistan daha ciddi problemlərlə üzləşəcək isə bununla hesablaşa bilmərik".
Xatırladaq ki, İrəvanda balıqçılıq təsərrüfatılarının sahibləri də bir neçə gündür hökumət binasının yanında etiraz aksiyası keçirərək yanvarın 1-dən qüvvəyə minəcək yeni qaydaların ləğvini tələb edirlər. Bildirirlər ki, əgər belə gedərsə, ölkədə balıqçılıq təsərrüfatları müflis olaraq öz işini dayandıracaq, nəticədə isə ordunu sözügedən məhsulla təmin etmək mümkün olmayacaq.
N.Qaramanlı
