08.06.2023, 10:26 330
- Ermənistan parlamentinin korrupsiyaya qarşı mübarizə daimi komissiyasının sədri Haykuhi Harutyunyanın bu gün vəzifəli şəxslərin və onların ailə üzvlərinin 2022-ci ildəki gəlirləri barədə açıqlaması olacaq. Dünın isə o, "Hraparak "ın müxbiri Koryun Simonyanla müsahibəsində bildirib ki, 3 min 500-dən çox vəzifəli şəxs gəlirləri barədə hələ də bəyannamə təqdim etməyib ki, bu da mövcud qanunların pozulması deməkdir.
Amma indiyədək aparılan araşdırmalar zamanı onlar belə olayların sırf texniki səbəblərdən baş verdiyini önə çəkərək cərimə olunmamalarına cəhd edir, məsələnin tezliklə həll ediləcəyini vəd edirlər. Komissiya sədri daha sonra əlavə edib ki, məmurlar adətən öz bizneslərini ya ailə üzvlərinin, ya da etibarlı dost-tanışlarının adına rəsmiləşdirirlər. Bu isə müəyyən məsələlərdə çətinlik yaradır. "Amma artıq belə halların aradan qaldırılması üçün hüquqi proseslərə təkan verilib və yaxın gələcəkdə bunun yeni məcraya düşəcəyini görə bilərik", - deyə komissiya sədri hazırda aşkar edilən qanunsuzluqlara görə cərimələr və digər inzibati cəzalar tətbiq olunduğunu bildirib.
N.Qaramanlı
