30.05.2022, 07:00 291
- Zəngilan rayonunun Ağalı kəndində quraşdırılmış “Ağıllı kənd” layihəsi tam olaraq inşasını yekunlaşdırılıb.
Kənd təsərrüfatı ilə məşğul olan əhali üçün müasir emal sexləri, suvarma qurğuları və havanın temperaturunu tənzimləmək üçün iqlim stansiyası inşa edilib. Ağıllı kənddə pilot suvarma sistemi də fəaliyyət göstərəcək. Bunu Kənd Təsərrüfatı nazirliyinin mətbuat katibi Vüqar Hüseynov deyib.
"Bu sistemlər nəticəsində 157 hektar sahəni davamlı olaraq suvarmaq imkanı var. Eyni zamanda kənd ərazində iqlim stansiyaları quraşdırılır. İqlim stansiyalarının əhəmiyyəti ondan ibarətdir ki, bu stansiyalar vasitəsi ilə avtomatik rejimli torpağın, havanın temperaturu, küləyin sürəti, havanın nəmliyi və digər məlumatlar elektron qaydada fermerlərə çatdırılır".
Heyvandarlığın əhəmiyyətindən danışan Vüqar Hüseynov Ağalıda dünyaca məşhur "Mozzarella" pendirinin hazırlanaraq bazara çıxarılmasının təmin olunacağını bildirib.
"Digər layihə camışçılıq təsərrüfatdır ki, təməlqoyma prosesində bununla bağlı xüsusi məlumat verilib. Xarici investisiya hesabına kəndin kənarında camışçılıq ferması yaradılacaq və orda istehsal olunan süd emal olunacaq. Dünyaca məşhur "Mozzarella" pendiri hazırlanaraq bazara çıxarılması təmin olunacaq".
Qeyd edək ki, kənddə həm də ağıllı məktəb və bağça fəaliyyət göstərəcək. (APA)
