20.09.2024, 15:58 241
- Atilla Muradlı Mingəçevir şəhərindəki 20 saylı tam orta məktəbin məzunudur. O, Qarabağ Universitetinə imtahansız qəbul edilən ilk tələbədir. Atilla Qarabağ Universitetinin yataqxanasından Təhsil televiziyasına bildirib ki, o bu möhtəşəm təhsil ocağında Elektrik və elektrotexnika mühəndisliyi ixtisası üzrə təhsil alacaq.
Qeyd edək ki, Atilla Muradlı bir şagird kimi ölkə üzrə fizika fənni üzrə iki dəfə gümüş medala layiq görülüb. Astronomiya və astrofizika üzrə olimpiadada üç dəfə qızıl və gümüş medallara sahib olub. Elm və Təhsil Nazirliyinin müvafiq əmri ilə məktəbi qızıl döş nişanı ilə bitirən gənc 2023-cü ildə Polşada keçirilən Beynəlxalq Astronomiya və Astrofizika olimpiadasında, bu il isə Braziliyanın Rio-de-Janeyro şəhərində keçirilən olimpiadada ölkəmizi təmsil edən beş nəfərdən biri olub.
Atilla Murad Qarabağ Universitetini seçdiyi üçün özünü çox xoşbəxt sandığını bildirib. Deyir ki, o bu günü çox səbirsizliklə gözləyib.
Mina RƏŞİD
