03.11.2022, 15:20 599
- Ağdam rayonunda tikinti-quruculuq işlərində çalışmaq üçün memarlar axtarılır. Bu barədə Ağdam Rayon İcra Hakimiyyəti Başçısı Aparatının Memarlıq və tikinti şöbəsinin müdiri, baş memar Abduləli Mehdiyev öz Facebook sosial şəbəkə hesabında paylaşım edib.
Paylaşımda qeyd edilir: "İnşaat universitetini inşaat və memarlıq sahəsi üzrə bitirən kadrlara Ağdamımızın tikintisində ehtiyac var. İşləmək istəyənlər bizə müraciət edə bilərlər. Bu sahə üzrə işləyənlərə xüsusi önəm veriləcək. "
Namizədlərin hazırda Ağdamda və ya yaxın ərazilərdə yaşaması (iş yerinə yaxınlıq üçün), həmçinin təcrübəli və savadlı olmasına önəm verilir.
Bu tələblərə uyğun şəxslər abduleli_mehdiyev@mail.ru elektron ünvanına aşağıdakı sənədləri göndərməlidirlər:
- kadrlar uçotunun şəxsi vərəqəsi;
- tərcümeyi-hal;
- diplomun, hərbi biletin, əmək kitabçasının surəti;
- əlaqə telefonu.
