17.10.2025, 11:23 260
- Yenidən qurulan Kəlbəcər şəhərindəki 1-ci yaşayış məhəlləsi üzrə Baş planının hazırlanmasına başlanılır. Görüləcək işlər çərçivəsində yaşayış binalarına müəllif nəzarəti xidməti də həyata keçiriləcək.
"Vətən səsi" xəbər verir ki, Kəlbəcər rayonunda Bərpa, Tikinti və İdarəetmə Xidməti artıq bununla bağlı müvafiq işləri yekunlaşdırıb. Həmin qurum Baş planın hazırlanması və onun əsasında keçmiş məcburi köçkünlərin istifadəsinə verilmiş yaşayış binalarına nəzarət mexanizmlərinin qurulması ilə bağlı işlərin icrasını "Azərmemarlayihə" Dövlət Baş Layihə İnstitutuna həvalə edib. Artıq sifarişçi tərəflə icraçı arasında xidməti müqavilə də imzalanıb. Müqavilənin şərtlərinə əsasən, Kəlbəcər rayonunda Bərpa, Tikinti və İdarəetmə Xidməti nəzərdə tutulan işlərin görülməsi üçün instituta 223 min 20 manat ödəyilib.
Xatırladaq ki, işğaldan azad olunduqdan sonra bərpa və yenidənqurma layihələrinə başlanan Kəlbəcər şəhərinə ilk ailələrin köçürülməsi bu ilin avqustunatəsadüf edib. Ümumilikdə 201 mənzildən ibarət 1-ci yaşayış məhəlləsi 7-8 hektar ərazini əhatə edir. Burada yaşayış binaları ilə yanaşı, insanların asudə vaxtlarını səmərəli keçirməsi üçün söhbətgahlar, uşaqlar üçün oyun meydançaları, həmçinin idman qurğuları və digər infrastruktur yaradılıb. Yenicə istifadəyə verilmiş yaşayış məhəlləsində hazırda 81 ailə yaşayır.
Elxan SALAHOV
