30.08.2025, 04:41
AZ EN
29.08.2025, 09:28 109

Bu il Kəlbəcərdəki məktəbdə 68 şagird oxuyacaq

QARABAĞ
  • 2025/2026-cı tədris ilində Kəlbəcərdə yeni istifadəyə veriləcək modul tipli məktəbdə ilk mərhələdə 68 şagird və 20 müəllim tədrisə cəlb olunacaq.

"Vətən səsi" xəbər verir ki, bu barədə "Azərbaycan müəllimi" qəzetinə Şərqi Zəngəzur Regional Təhsil İdarəsindən bildirilib. Qeyd olunub ki, Bəhmən Cəfərov adına 1 nömrəli tam orta ümumtəhsil məktəbi 108 nəfər şagird yerlikdir və modul tipli binada fəaliyyətə başlayacaq. Həmin məktəb hazırda Gəncə şəhərində yerləşir.

Xatırladaq ki, hazırda Kəlbəcər şəhərində müasir standartlara uyğun məktəb binasının tikintisi davam edir. 2023-cü ilin may ayında təməli qoyulmuş 960 şagird yerlik məktəb gələn il istifadəyə veriləcək. Ümumilikdə 41 sinif otağından ibarət olacaq məktəb binasında fizika, kimya, biologiya, informatika kabinetləri, müxtəlif təyinatlı 8 laboratoriya, akt zalı, yeməkxana və digər zəruri otaqlar yaradılacaq.

Elxan SALAHOV

Oxşar xəbərlər