27.08.2025, 15:36 231
- Ağdam şəhərində magistral su xətlərinin, habelə və tullantı və yağış kollektorlarının tikintisi ilə bağlı ümumi dəyəri 53 milyon manat təşkil edən layihənin icrasına başlanır.
"Vətən səsi" xəbər verir ki, bu barədə Azərbaycan Dövlət Su Ehtiyatları Agentliyinin tabeliyindəki “Tikilməkdə Olan Obyektlərin Müdiriyyəti” Publik Hüquqi Şəxsin açıq tender elanında bildirilir. Elanda Ağdam şəhərinin magistral su xətləri, tullantı və yağış kollektorları ilə qurğularının tikintisinin layihə-smeta sənədləri əsasında tullantı su təmizləmə qurğusunun tikintisi nəzərdə tutulub. Müsabiqədə iştirak haqqı 7 min 994 manatdır. Layihənin ehtimal olunan qiyməti isə 53 milyon 290 min 299 manat təşkil edir.
Layihənin həyata keçirilməsində iştirak etmək istəyən şirkətlər təkliflərini ən geci oktyabrın 10-dək satınalan təşkilatın mərkəzi ofisinə (Bakı şəhəri, Moskva prospekti 69a (Dövlət Su Ehtiyatları Agentliyi) təqdim etməlidir.
Elxan SALAHOV
