03.04.2024, 08:39 295
- Xocalı şəhərinə içməli su xətti çəkilir. Artıq bununla bağlı işlərə başlanılıb. Məqsəd ərazini davamlı su ilə təmin etməkdir. “AZƏRSU”ASC-nin şöbə müdiri Anar Cəbrayıllı İTV-Xəbərə müsahibəsində bildirib ki, Xocalıda dayanıqlı su təhcizatının aparılması məqsədilə Madara su mənbəyindən Xocalı şəhərinə magistral kəmərin tikintisi planlaşdırılır. Hər iki mənbədən götürülən su ordan anbara toplanacaq və mərkəzi anbardan nisbətən yüksək relyefdə yerləşən mərkəzi anbarlardan öz axıntı rejimində şəhər əhalisinin, eləcə də ictimai iaşə və dövlət obyektlərinin su təhcizatnın aparılmasına yönəldiləcəkdir.
Xocalıda yeni inşa edilən fərdi yaşayış evlərinin şəbəkələrə qoşulmasını təmin etmək məqsədilə tullantı su xətləri çəkilir. Fərdi məskunlaşmanın və içməli suya tələbatın artacağı nəzərə alınaraq iki yeni subartezian quyusunun qazılmasına qərar verilib.
Anar Cəbrayıllı daha sonra əlavə edib ki, eyni zamanda 28 kənd və qəsəbədə bu il işlərə başlanılması planlaşdırılır və 2024-cü ildə Şuşa şəhərində bizim layihəmiz davam etdiriləcək. Hansı ki, ötən dövrlərdən başlanılmışdı. Şəhərdaxili şəbəkələrin yradılması, anbarların tikintisi, bu işlər həyata keçiriləcək.
İndi azad olunan ərazilərin hər qarışına su xətti çəkilir. Yaşayış olan inzibati binalar, obyektlər mərkəzləşdirilmiş qaydada içməli su ilə təmin olunmaqdadır. Ötən ildən Füzulidə başlanılan mərkəzi anbarda magistral su kəmərinin tikintisi işləri artıq yekunlaşdırılıb. Kəlbəcər, Ağdam və Cəbrayılda isə xarici su təhcizatı, eləcə də şəhərdaxili su və kanalizasiya sistemləri yaradılacaq. İlin sonuna kimi Laçın şəhərinə də su xəttinin çəklişi yekunlaşacaq.
Hazırladı: Tahirə AĞAMİRZƏ
