25.02.2025, 15:43 381
- Fransa ilə Ermənistan arasında müdafiə sahəsində əməkdaşlıq 2025-ci ildə də davam etdiriləcək. Rəsmi Paris bu il də Ermənistana müxtəlif növ hərbi texnikaları tədarük etməyi planlaşdırır. Fransanın Ermənistandakı səfiri Olivie Dekorti Ermənistanın ictimai radiosuna müsahibəsində hərbi sahədə tərəfdaşlığın üç istiqamət üzrə aparılacağını qeyd edib.
Fransanın Ermənistandakı səfiri Olivie Dekorti Ermənistanın ictimai radiosundakı müsahibəsində qeyd edib ki, Fransa ilə Ermənistan arasında 2025-ci ildə hərbi sahədə əməkdaşlıq üç istiqamət üzrə aparılacaq. İlk növbədə texnika tədarükü, növbəti mərhələdə erməni hərbçiləri həm Ermənistan, həm də fransada hazırlıq keçəcək. Fransa həm də Ermənistanın müdafiə nazirliyinə ordunun gücləndirilməsi, orda islahatların aparılması üçün məsləhətlər verəcək. O, həm də qeyd edib ki, Fransa Ermənistana müdafiə texnikası tədarük edən yeganə Qərb ölkəsidir və Fransanın rəsmi mövqeyi Ermənistanın suverenliyinin qorunmasına dəstək göstərməkdir.
“Ərazi bütövlüyü pozulanda niyə Azərbaycanı silahlandırmaq, ərazi bütövlüyünü təmin etmək, suverenliyin bərqərar etmək yönündə müxtəlif fikirlər səslənmirdi? Fransa dövləti Ermənistana verdiyi silahları geri çəkməli və bunun əsasında sülh və təhlükəsizlik arxitekturası qurulmalıdır”.
Bu sözləri mətbuata açıqlamasında politoloq İlyas Hüseynov deyib.
Olive Dekorti həm də bildirib ki, yaxın vaxtda Fransa Zəngəzurda konsulluq açacaq. Ofis isə Gorusda yüerləşəcək. O, bunu həm də əsaslandırıb ki, Gorusda fransız dilində danışan erməni çoxdur.
“Əgər Gorus ərazisində beş-on nəfər fransız dilində danışırsa, bu, fransız dilində danışan erməniləri qorumaq üçün konsulluq açmağa nə ehtiyac var? Məqsəd bəbllidir. Diplomatik örtük altında burada Fransa öz maraqlarını genişləndirir və Zəngəzur dəhlizinin keçdiyi bölgədə Fransa həm də şərtləri diqtə etməyə çalışacaqdır”,- deyə Politoloq əlavə edib.
Nəticə etibarilə səfirin açıqlamalarından belə qənaətə gəlmək olar ki, Fransa yenə də öz smpulasındadır.
Tahirə AĞAMİRZƏ
