Ermənistan Qərbə doğru addımlarını genişləndirmək müqabilində yalnız iqtisadi mənfəət əldə edə bilər

• Son günlərdə Ermənistan Qərbin diqqət mərkəzində olmaq üçün  bir sıra addımlar atır. Bir tərəfdən Belarusa nota verib, digər tərəfdən isə xarici işlər naziri müxalifət lideri ilə görüşüb. Həmçinin İrəvan Minskdən səfirini də geri çağırıb. Bundan başqa, Ermənistan Kollektiv Təhlükəsizlik Müqaviləsi Təşkilatının xarici işlər nazirlər şursının iclasında da iştirak etməyib. Bəs, İrəvanın bu cəhdlərini Avropa necə qiymətləndirəcək?

Ermənistan Qərblə yaxınlaşmağa can atır. İrəvan Avropa İttifaqına üzvlüyə görə ərizənin  təqdim olunması üçün hərəkətə keçib. Parlamentdə referendumun keçirilməsi ilə bağlı dinləmələr keçirilib. Dinləmələrdə Respublika naminə partiyasının lideri Arman Babacanyan qaloş elan edərək bunun repressiya simvolu olduğunu deyib. Daha sonra deputat tribunadan ittifaqın bayrağını asıb: “Aydınlıq üçün xatırlatmaq istəyirəm. Bu  Qaloş yadınızdadır? Mən bu tədbiri təşkil etdiyinə görə Avropa İnteqrasiya Komissiyasına minnətdaram. Müzakirənin aydın olması üçün istərdim ki, biz bu bayraq altında müzakirələr aparaq.  Məncə bu, daha gözəl və təxəyyüllü olardı. Amma burda qaloş var”.

İrəvan qoca qitəyə gedən yolda nəinki Rusiya, hətta bu ölkənin ən yaxın müttəfiqi Belarusla da ittifaqı pozmaqda iddialı görünür. Xarici işlər naziri Ararat Mirzoyanın Belarus müxalifətinin lideri Svetlana Txanovski ilə Vilnüsdə  görüşü deyilənləri təsdiqləyir. Müxalifət  liderinin Ermənistana Lukaşenko rejiminə qarşı qətiyyətli mövqeyinə görə təşəkkür etməsi İrəvanla sıx əməkdaşlığın davam etdiriləcəyinə ümid bəsləməsi ciddi məqamlardan xəbər verir.

“Müəyyən mənada fikirlər vardır ki,  anti-Rusiya cərəyanının güclənməsi bir imitasiya xaraktri daşıyır. Çünki konkret olaraq  rəsmi İrəvan Avrsiya İqtisadi Birliyindən çıxmır. 102-ci hərbi bazada  fəaliyyətini davam etdirir. Rusiya sərhədçiləri də Ermənistan sərhədini qoruyur. Belə olan halda yalnız Qərbə doğru addımları genişləndirmək müqabilində iqtisadi mənfəət əldə edə bilərlər”. Bunu politoloq İlyas Hüseynov “ARB24”-ə açıqlamasında deyib.

Bir neçə gün öncə Ermənistan Belarusdakı səfirini geri çağırıb.  Baş nazir Nikol Paşinyan Aleksandr Lukaşenkonun hakimiyyəti müddətində bu ölkəyə getməyəcəyinə dair bir bəyanat verib. Eyni zamanda baş nazirin aparat rəhbəri Araik Arutunyan məmurların  Belarusa səfərlərini qadağan  edən əmr imzalayıb. Ardınca isə İrəvan Minskə nota verib. Şərhçilər Avropanın Ermənistanın  bu cəhdlərini dəyərləndirəcəyi qənaətindədirlər.

Hazırladı: Tahirə AĞAMİRZƏ