13.04.2023, 17:19 319
- Türkiyənin zəlzələ baş vermiş vilayətlərində Ramazan bayramına qədər sakinlərə yeni evlər təqdim ediləcək. Bunu Prezident Rəcəb Tayyib Ərdoğan zəlzələnin fəsadlarının aradan qaldırılması ilə bağlı danışarkən bildirib. Prezident söyləyib ki, dağıntıların aradan qaldırılması işləri sürətlə həyata keçirilir. Bir il içərisində bütün evlər hazır olacaq. Bayrama qədər bir sıra kənd evləri təvil veriləcək. Bununla da, ilk addımı atmış olacağıq.
Qeyd edək ki, Türkiyədə baş verən güclü zəlzələdən sonra zərərçəkənlər üçün ümumilikdə 468 min yaşayış binasının tikilməsi planlaşdırılıb. Bu barədə məlumatı zəlzələ baş verəndən az sonra Türkiyə Prezidenti Rəcəb Tayyib Ərdoğan "Ədalət və İnkişaf Partiyası”nın (AKP) qrup iclasında çıxışı zamanı bildirmişdi.
Tikiləcək evlərdən 392 350-si bina evi, 75 681-i isə kənd evi olacaq.
Mina RƏŞİD
