09.04.2023, 09:40 265
- Müasir Azərbaycan mətbuatında öz dəsti-xətti seçilən “Təzadlar” qəzetinin bu gün 30 yaşı tamam olur.
Dövlət nüstəqilliyimizin bərpasından sonrakı keşməkeşli bir vaxtda - 1993-cü il aprelin 9-da ilk sayı çapdan çıxan qəzet tanınmış jurnalist Asif Mərzilinin rəhbərliyi ilə bütün çətinliklərin öhdəsindən gələrək öz simasını qoruyub saxlamağı və nəşrini fasiləsiz davam etdirməyi bacarıb.
“Təzadlar” yarandığı gündən Qarabağın azadlığı uğrunda mübarizənin ön sıralarında olub və bu gün də işğaldan azad edilmiş ərazilərə Böyük Qayıdışın ideoloji və informasiya təminatında fəal iştirak edir.
Asif müəllim başda olmaqla “Təzadların” yaradıcı heyətinə 30 illik yubiley münasibətilə səmimi təbriklərimizi çatdırır, müstəqil media nümunəsi kimi qəzetin bundan sonra da eyni cəsarət və uğurla nəşrini davam etdirməyi arzulayırıq!
“Vətən səsi”
