22.04.2022, 17:10 131
- "Biz Prezident İlham Əliyevin yürütdüyü siyasəti və onun bütün addımlarını tam dəstəkləyirik". Dünya Azərbaycanlılarının V Qurultayının iştirakçısı, Azərbaycanın Almaniyadakı diasporunun nümayəndəsi Yusif Təhməzov belə deyib.
"Prezident İlham Əliyev çıxışında qeyd etdi ki, xaricdə yaşayan azərbaycanlılar digər dövlətlərin siyasi fəaliyyətinə təsir edə biləcək qüvvədir. Biz Prezident İlham Əliyevlə fəxr edirik", - Y.Təhməzov bildirib.
O qeyd edib ki, Şuşada keçirilən Dünya Azərbaycanlılarının V Qurultayı Azərbaycan xalqı, xüsusilə, gənclər üçün vacib olan yüksək səviyyəli tədbirdir.
"Xaricdə yaşayan gənclərimiz beynəlmiləlçilik, Vətənə sevgi ruhunda tərbiyə olunmalıdır. Buna görə, bu cür tədbirlər böyük əhəmiyyət daşıyır", - deyə o bildirib. ("Trend")
