09.12.2022, 14:55 406
- Bu gün Xocavənd Rayon Suvarma Sistemləri İdarəsində “Ulu Öndər Heydər Əliyev irsi milli sərvətimizdir" adlı maarifləndirmə tədbiri keçirilib. Tədbiri giriş sözü ilə Xocavənd Rayon Suvarma Sistemləri İdarəsinin rəisi Malik Mirzəyev açaraq Ulu Öndər Heydər Əliyevin həyat və fəaliyyəti ilə bağlı iştirakçılara ətraflı məlumat verib. Qeyd edib ki, Azərbaycan xalqının Ümummilli Lideri, dünya şöhrətli siyasi xadim Heydər Əliyev çoxəsrlik dövlətçilik tariximizdə yeni parlaq səhifə açan nadir, bənzərsiz şəxsiyyətdir. Tarixin yaddaşında əbədi iz qoyan Ulu Öndər Heydər Əliyev bütün həyatını xalqının xoşbəxt gələcəyinə, qüdrətli Azərbaycan dövlətinin yaradılmasına həsr edib.
Xocavənd Rayon İcra Hakimiyyətinin əməkdaşı Asim Rüstəm çıxışında bildirib ki, Ümummilli Lider Heydər Əliyevin 1969-1982-ci illərdə və Siyasi Büronun üzvü olduğu dövrdə, eləcə də, Azərbaycanda ikinci dəfə hakimiyyətə gəldiyi zaman mədəniyyətimizə daim hamilik edib. Daha sonra 44 günlük Vətən müharibəsindən bəhs edən A. Rüstəm onu da bildirib ki, Vətən müharibəsində qazanılmış böyük Qələbə Ümummilli Lider Heydər Əliyev ideologiyasının təntənəsidir. “Azərbaycan dünyaya günəş kimi doğacaq!”, söyləyərək, dünyaya səslənən dahi Heydər Əliyev ölkəmizin xoşbəxt gələcəyinə inanır və yaxın gələcəkdə ərazi bütövlüyümüzün bərpa olunacağına böyük ümid bəsləyirdi.
Tədbirdə RSSİ-nin əməkdaşları da çıxış ediblər.
Mina RƏŞİD
