O qeyd edib ki, BMT Azərbaycanla mina təhlükəsizliyi ilə bağlı maarifləndirmə, partlayıcı qurğuların riskləri ilə bağlı, həmçinin geridönüşlə bağlı beynəlxalq standartlar haqqında tövsiyələr kimi istiqamətlərdə işləyir.
G.Ambroso bildirib ki, Azərbaycan hökuməti ilə digər layihələrlə bağlı müzakirələr aparırlar: “30 il sonra nəhayət ki, məcburi köçkünlər öz doğma torpaqlarına qayıtmaq imkanı əldə ediblər. Bu, sevindiricidir. BMT 90-cı illərdə məcburi köçkünlərə humanitar yardımlar göstərib. Biz İkinci Qarabağ müharibəsi zamanı da humanitar yardım göstərdik. Məcburi köçkünlərin geri qayıtmasına da humanitar yardımlar göstərməyi düşünürük”, - deyə o qeyd edib. ("Trend")