• Anası deyir ki, Şəhriyar mehriban, qayğıkeş, həm də zəhməti sevən övlad idi. Müharibəyə gedəndə balamla qucaqlaşdıq, istədiyi olub-olmadığını soruşdum. Dedi ki, evə döndüyüm gün söyləyəcəm, elçi gedərsiniz... Şəhriyar odun-alovun içindən imkan düşdükcə doğmaları ilə danışırdı. Bir gün qardaşı ilə xüsusi olaraq danışmaq ehtiyacı hiss elədi. Qardaşna ata-anasını tapşırdı və özündən muğayat olmağını dedi. İndi qardaşı övladının adını Şəhriyar qoyub. Doğmaları övlad ayrılığına nə qədər üzülsələr də balaca Şəhriyar bir təsəlli, ümid kimi gözləri önündə böyüyür. Şəhriyarın atası çox kövrəkdi, bəzən göz yaşlarını saxlaya bilməsə də, deyir ki, Vətən sağ olsun...

Bu gün Vətən müharibəsinin qəhrəman şəhidi İsmayılzadə Şəhriyar Əkbər oğlunun doğum günüdür. O, 7 iyul 1994-cü ildə Şirvan şəhərinin  Hacıqəhrəmanlı qəsəbəsində sadə, zəhmətkeş bir ailədə dünyaya göz açıb. Şirvan şəhər 12 saylı tam orta məktəbin 11-ci sinfini bitirib hərbi xidmətə yollanıb.

Şəhriyar İsmayılzadə 27 sentyabr 2020-ci ildə başlanan İkinci Qarabağ müharibəsinə könüllü olaraq torpaqlarımızın azad edilməsi uğrunda gedən döyüşlərə qatılıb. Cəbrayıl, Xocavənd, Füzuli və Şuşa şəhərlərinin alınmasında mərdliklə vuruşaraq şücaətlər göstərib.

Şəhriyar 2020-ci il noyabrın 8-də günorta saatlarında Şuşa ətrafında gedən döyüşlərdə qəhrəmancasına şəhadətə ucalıb.

Şəhidimiz noyabrın 10-da Şirvan şəhərində Şəhidlər xiyabanında böyük izdihamla dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən İsmayılzadə Şəhriyar ölümündən sonra "Vətən uğrunda" medalı ilə təltif edildi.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin müvafiq sərəncamlarına əsasən İsmayılzadə Şəhriyar ölümündən sonra "Cəsur döyüşçü", "Şuşanın azad olunmasına görə", "Xocavəndin azad olunmasına görə" medalları və III dərəcəli “Vətənə xidmətə görə” ordeni ilə təltif edilib.

Cənnətdəki doğum günün mübarək, məzarın nurla dolsun, ruhun şad olsun, qəhrəman şəhidim!

Mina RƏŞİD