• “Bu müharibə digər müharibələrdən onunla fərqlənir ki,  tərəflər əsasən biri-birinin silah anbarını, nüvə obyektlərini və yanacaq çənlərini hədəfə almışlar. Bu isə baş verə biləcək  böyük ekoloji fəlakətlərdən xəbər verə bilir”.

Bunu ARB24-ə açıqlamasında ekoloq Rövşən Abasov deyib. Ekoloqun sözlərinə görə, İsrail istəyir ki, İranda İranın əsas nüvə obyektlərini sıradan çıxarsın: “Uranın zənginləşdirilməsini həyata keçirən mərkəzlər tamamilə sıradan çıxsın. Bu isə böyük ekoloji nəticələrə səbəb ola bilər. Doğrudur, hələlik, birbaşa həmin mərkəzlər  vurulmayıb. Amma əgər bu mərkəzlər birbaşa vurularsa, orada yaranmış  çirklənmə buludları nəinki  ətraf ərazilərə, hətta uzaq ərazilərə  küəklər vasitəsilə yayıla bilər və qonşu ölkələrdə də fəsadlara səbəb ola bilər. Bir çox epitetlər bu cür çirklənmənin məhz Çernobl və Yaponiyada baş verən fəlakətlə müqaisə edirlər. Bu çirklənmələr küləklər vasitəsilə hətta Azərbayvana da gələ bilər.

   Ekoloqun sözlərinə görə, digər bir məsələ isə yanacaq çənlərinin vurulmasıdır: “Bilirik ki, İran dünyanın ən böyük yanacaq istehsal edən ölkələrindən biridir. Həm ixrac potensialına görə, həm də  istehsal potensialına görə kifayət qədər çox böyük tutumu olan ölkədir. Lakin bu çənlərin vurulması çox qısa müddət ərzində  ətraf mühitə çox çirkləndirici maddələr, kükürt oksidlərinin, azot oksidlərinin, karbonmonoksidin yayılmasına səbəb olur və bu cür çirkləndiricilərin çox  qısa müddət ərzində atmosferə atılması həm uzaq məsafələrə onun daşınmasını təmin edə bilər, həm turğulu yağışların əmələ gəlməsinə səbəb ola bilər, həm də  xəstəliklərə səbəb ola bilər”.

Ekoloq daha sonra əlavə edib ki, başqa bir məsələ isə əlbəttə ki, Tehranda baş vermiş çirkab suları şəbəkəsinin dağıdılmasıdır: “Bu daha təhlükəlidir. Uzun müddətli perspektivdə çirkab suları şəbəkəsinin dağıdılması müxtəlif xəstəliklərə yol açacaqdır. Çnki çirkab sularında çoxtəhlükəli bakterialar var, çox təhlükəli ağır metallar və digər maddələr vardır ki, bu isə su ilə bağlı olan xəstəliklərin, epidemiyaların yayılmasına yol aça bilər”.

Tahirə AĞAMİRZƏ