04.11.2024, 17:32 143
- İşğaldan azad olunmuş torpaqlarda fəaliyyət göstərən məktəblərin "Zəfər Günü"nə həsr olunan birgə dərsi təşkil edilib.
4 noyabr tarixində işğaldan azad olunmuş torpaqlarda fəaliyyət göstərən Zəngilan rayonu Ağalı kənd, Laçın şəhəri 2 nömrəli, Ədalət Məmmədov adına Zabux kənd və Sus kənd tam orta məktəblərin IX siniflərində "Zəfər Günü"nə həsr olunan birgə onlayn açıq dərs təşkil edilib.
Açıq dərs Azərbaycan Respublikası Dövlət Himninin səsləndirilməsi və şəhidlərin xatirəsinin bir dəqiqəlik sükutla yad edilməsi ilə başlayıb.
Açıq dərsdə "Vətən" müharibəsinin tarixi, Azərbaycanın qələbəsi və işğaldan azad olunmuş bölgələrin əhəmiyyəti barədə müxtəlif interaktiv fəaliyyətlər, təqdimatlar və müzakirələr təşkil olunub.
Bu cür dərslər gənclərin vətənə sevgi, bağlılıq hisslərini artırmaqla yanaşı, müstəqillik və azadlıq uğrunda mübarizənin əhəmiyyətini dərk etmələrinə də kömək edir. Eyni zamanda məktəblər arasında əməkdaşlığı gücləndirir, milli ruhu və birlik hissini inkişaf etdirir.
Tahirə AĞAMİRZƏ
