11.09.2024, 16:21 158
- Əslən Qubadlı rayonundan olan Alsu Sultanova Bakıda 179 saylı tam orta məktəbdə təhsil alıb. Məktəbi bitirdikdən sonra Qarabağ Universitetinin kompüter mühəndisliyi ixtisasına qəbul olub. O, bildirir ki, Qarabağ Universitetini seçməkdə valideynləri ona böyük dəstək olub. Onlar Alsunun Qarabağ Universitetində təhsil almasına birlikdə qərar veriblər və onu dəstəkləyiblər.
Alsu Sultanova Universitetin yataqxanasında qalacağına görə çox həyacanlıdır. Eyni zamanda əmindir ki, tələbələr üçün orada bütün şəraitlər qurulub və orda bütün dostları ilə birgə gözəl vaxt keçirəcək. O, bu universiteti seçən digər tələbələr kimi Qarabağ Universitetinin onlar üçün böyük şanslar yaradacağına əminliyini ifadə edir və bu şanslardan yararlanmağı səbirsizliklə gözləyir. Qarabağ Universitetinin tələbələrindən olduğuna görə özünü çox şanslı hiss edən Alsu Qarabağı birlikdə quracaqları üçün sevinc və qürur hissi keçirir.
Tahirə AĞAMİRZƏ
