21.08.2024, 18:10 372
- “Tarixi Zəfərimizlə, ərazi bütövlüyümüzün və suverenliyimizin tam bərpa olunması ilə fəxr edirik. Biz incəsənət, mədəniyyət xadimləri dünyaya səs salan, harada yaşamasından asılı olmayaraq hər bir azərbaycanlının qürur mənbəyi olan güclü Azərbaycanla fəxr edirik. “Şuşada havalansın Xanın səsi”, “Xankəndidə ucalsın bayrağımız” deyərək arzu edərdik. Şükür ki, arzumuza qovuşduq”.
Bunu “Seçki 2024” Müstəqil Media Mərkəzinə açıqlamasında bəstəkar, Xalq artisti Eldar Mansurov deyib.
Tanınmış bəstəkar qeyd edib ki, bu gün musiqi məbədimiz sayılan Şuşa, habelə Xankəndi, Xocalı və işğaldan azad edilmiş digər bölgələr parlament seçkilərinə hazırlaşır: “Keçmiş məcburi köçkünlərimiz ilk dəfə olaraq öz doğma yurd-yuvalarında onları parlamentdə təmsil edəcək namizədə səs verəcək, yeni dövrün yeni hədəflərinin gerçəkləşməsinə səsləri ilə dəstək olacaqlar. Qalib, bütövləşən Azərbaycanın vətəndaşı olduğumuz üçün fəxr edirik. Mədəniyyət xadimləri əmindir ki, yüksək səviyyədə keçiriləcək seçkilər dövlətimiz üçün əhəmiyyətli olacaq və qarşıdakı illərdə ölkəmizi daha möhtəşəm uğurlar gözləyir”.
