27.05.2024, 14:07 283
- “Qarabağ Müharibəsi Əlilləri, Veteranları və Şəhid Ailələri” İctimai Birliyində Dövlət İdarəçilik Akademiyasının kafedra müdiri, professor Namiq Əliyevin kitablarının təqdimatı keçirilib.
Mərasimdə “Tərxis Olunmuş Hərbçilərin Gəncləri Maarifləndirmə” İctimai Birliyinin sədri Emin Həsənli Namiq Əliyevin ordu quruculuğunda, xidmət nizamnamələrinin hazırlanmasında fəal iştirakını vurğulayıb. Namiq müəllimin Gürcüstanda və Moldovada ölkəmizin səfiri olarkən hər zaman Azərbaycanı yüksək səviyyədə təmsil etdiyi xatırlanıb. Onun beynəlxalq münasibətlər və xarici siyasət haqqında kitablarından ətraflı bəhs olunub.
Azərbaycanın Milli Qəhrəmanı Vahid Quliyev çıxışı zamanı qeyd edib ki, həmin kitablar təkcə Azərbaycanda deyil, xarici ölkələrdə də nümayiş və təbliğ edilməlidir. Çünki bu çalışmalarda həm hüquqi aspektlər, həm də tarixi faktlar öz əksini tapıb. Fəlsəfə doktoru, politoloq İlqar Vəlizadə, onun həmkarı Zaur Məmmədov, ehtiyatda olan zabitlər Həsən Əmirov, Şura Musayev, Bəhram Şeydayev, İlham Qaibzadə və Anar Məmmədov kitablar və müəllif haqqında fikirlərini bölüşüblər.
Namiq Əliyev çıxışlara görə minnətdarlıq edərək bildirib ki, Qarabağ mövzusu ilə bağlı 40-dan artıq kitab təqdim olunub. Onların arasında 17 ölkədə 13 dildə çap olunanları da var və hər biri
Azərbaycan həqiqətlərini əks etdirir.
Tədbirin sonunda professor Namiq Əliyevə “Azərbaycan Qarabağ Müharibəsi Əlilləri, Veteranları və Şəhid Ailələri” İctimai Birliyinin, eləcə də “Azərbaycan Vətən Müharibəsi Veteranları” İctimai Birliyinin mükafatları təqdim edilib.
Hazırladı: Mina RƏŞİD
