18.04.2024, 12:20 347
- Nihat Natiq oğlu Rzaxanov 2001-ci il aprelin 18-də Binəqədi rayonunun Biləcəri qəsəbəsində anadan olub. 2007-ci ildə 301 saylı tam orta məktəbdə orta təhsil alıb. Ailənin maddi vəziyyəti yaxşı olmadığı üçün 9 il təhsil aldıqdan sonra ailəsinə kömək etmək məqsədilə işləməyə başlayıb. 2019-cu ildə həqiqi hərbi xidmətə yollanıb. 27 sentyabr 2020-ci ildə başlayan İkinci Qarabağ müharibəsinə qatılıb. Azərbaycan Silahlı Qüvvələrin əsgəri olan Nihat cəbhənin Cəbrayıl, Füzuli, Xocavənd istiqamətlərində gedən döyüşlərdə iştirak edib.
Vətəni canından çox sevən Nihat Zəfərimizə sayılı günlər qalmış, noyabrın 6-da Xocavənd istiqamətində gedən döyüşlərdə qəhrəmancasına şəhid olub. 7 noyabr 2020-ci ildə dəfn edilib. Ölümündən sonra "Vətən uğrunda" və "Füzulinin azad olunmasına görə" medalları ilə təltif olunub.
Tahirə AĞAMİRZƏ
