05.04.2024, 10:54 413
- Ailəsinin dediyinə görə, Osman maraq dairəsi geniş olan uşaq olub: "Uşaq yaşlarından silahlara, müharibə hekayələrinə marağı var idi. Osman dəmir və taxtadan müxtəlif silah alətləri düzəldib, kəndin uşaqlarına verərmiş və bu sayədə hamısı birgə müxtəlif oyunlar oynayarmışlar...
Vətənə xitmət borcunu yerinə yetirməyə yollananda isə sevincinin həddi-hüdudu yox idi. Çünki uşaqlıq xəyallarını gerçəkləşdirəcək, düşməndən qisasımızı alacaqdı Osman".
Aldı da...
Ağaxanov Osman Qədim oğlu 2004-cü il aprelin 5-də Xaçmaz rayonu, Ukuroba kəndində anadan olub. Həmin kənd tam orta məktəbində təhsil alıb. Orta təhsilini tamamladıqdan sonra Azərbaycan Silahlı Qüvvələrinin sıralarına xidmətə çağrılıb.
Azərbaycan Silahlı Qüvvələrinin hərbi qulluqçusu olan Ağaxanov Osman Qədim oğlu Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xocavənd istiqamətində gedən döyüşlərdə şəhid olub.
Osman Ağaxanov ölümündən sonra 3-cü dərəcəli “Vətənə xidmətə görə” ordeni ilə təltif edilib.
Allah rəhmət eləsin.
Tahirə AĞAMİRZƏ
