02.04.2024, 11:29 350
- Onun ən böyük arzusu güclü, qüvvətli idmançı olub, Vətən torpağını düşmən tapdağından xilas etmək olub. 18 yaşlı qəhrəmanımız bunu bacardı və arzusuna çatdı...Onun adı qanı, canı bahasına tarix yazan qəhrəmanlarımızın sırasındadır...
Ağamirzə Gülməliyev 2 aprel 2002-ci ildə Qaradağ rayonunun Qızıldaş qəsəbəsində Ağabəy Gülməliyevin ailəsində anadan olmuşdur. 2008-2019-cu illərdə Qaradağ rayon 180 nömrəli tam orta məktəbdə və 8 saylı peşə liseyində təhsil almışdır. Subay idi.
O, 2020-ci il iyulun 6-da hərbi xidmətə çağırılıb. Vətən müharibəsi başlayanda Ağamirzə Goranboy rayonu Tapqaraqoyunlu kəndi, Kəhrilər xarabalığı istiqamətində gedən döyüşlərdə iştirak edib. Əsgər Ağamirzə Gülməliyev 2020-ci il oktyabrın 1-də həmin döyüşlərdə qəhrəmancasına şəhid olub.
18 yaşlı qəhrəmanımız ölümündən sonra "Vətən uğrunda, "Cəsur döyüşçü", "Suqovuşanın azadlığına görə" medalları ilə təltif edilib.
Allah rəhmət eləsin.
Tahirə AĞAMİRZƏ
