15.08.2023, 14:57 192
- UNICEF-in Azərbaycan nümayəndəliyinin, Azərbaycan Gənclər Fondunun birgə əməkdaşlığı, Azərbaycan Könüllü Təşkilatları İttifaqının və “Böyük Qayıdış” Gənclər Təşkilatının təşkilati dəstəyi ilə “Qayıdış Könüllüləri" proqramı çərçivəsində “Qarabağın davamlı inkişafı üçün gənclərin bacarıqlarının artırılması” layihəsinə start verilib.
Bu barədə Azərbaycan Könüllü Təşkilatları İttifaqından məlumat verilib.
Layihə çərçivəsində Qayıdış Könüllülərindən ibarət qruplar üçün ilk təlim modulu peşəkar təlimçi Fəxri Məhəmmədzadə tərəfindən “Komanda işinin qurulması və inkişafı” mövzusunda keçirilib.
Təlimdə könüllülər komanda işi ilə simulyasiya, stuativ komanda idarəedilməsi, vəzifələrin səmərəli idarə edilməsi üçün metodlarla bağlı faydalı məlumat əldə edib, qrup işlərində və öyrədici oyunlarda iştirak ediblər. (AZƏRTAC)
