23.04.2023, 17:40 300
Taleh hələ torpaqlarımızın işğalından əvvəl anadan olmuşdur. O vaxt dünyada əmin-amanlıq vardı. Nə isə dünyanı dəyişmək istəyən qüvvələr fəallaşdı. Qarabağı almaq istədilər. Bütün qüvvələri səfərbər edib aldılar da. Ürəyimizdə bircə arzu qaldı - Azad Azərbaycan. Bu arzu Ali Baş Komandanımız İlham Əliyevin qətiyyətli siyasəti nəticəsində öz müsbət nəticəsini verdi. Bu qələbəyə imza atanlardan biri də Taleh Əhmədxan oğlu Bəhrəmovdur. Taleh 30 iyul 1984-cü ildə Xocavənd rayonunun Əmirallar kəndində anadan olmuşdur. Ərazidə olan Muğanlı kənd 2 saylı tam orta məktəbində təhsil almışdır. Orta təhsilini başa vuran Taleh həqiqi hərbi xidmətə çağırılmış, Quru Qoşunlarında xidmət etmişdir. 44 günlük Vətən müharibəsində Xocavənd, Hadrut, Füzuli istiqamətində döyüşmüşdür. Azərbaycan Respublikasının Prezidenti cənab İlham Əliyevin sərəncamı ilə Taleh Bəhrəmov "Füzulinin azad olunmasına görə", "Xocavəndin azad olunmasına görə", "Cəsur döyüşçü" medalları ilə təltif olunmuşdur. İkinci dərəcəli əlildir.
İsa MUSAYEV
