24.11.2025, 17:35 120
- "Zəngəzur dəhlizi türk dünyasının birliyinin rəmzidir. Türkmənistan həm bu birlik daxilində, həm də ayrı-ayrılıqda türk dövlətləri ilə əməkdaşlığı genişləndirməyə hazırdır".
"Vətən səsi" xəbər verir ki, bu barədə Mərkəzi Asiya Regional Əməkdaşlıq Proqramıın (CAREC) Türkmənistandakı ofisinin direktoru Mergen Kepbanov Türk Dövlətləri Təşkilatına üzv ölkələrin QHT-lərinin Həmrəylik Forumunda bildirib. O, forumun "Zəngəzur dəhlizi: Türk coğrafiyasını birləşdirən körpü" adlı paneldə çıxışı zamanı türk dünyasında inteqrasiya proseslərinin sürətləndiyini məmnunluqla vurğulayıb: “Zəngəzur dəhlizi təkcə nəqliyyat layihəsi deyil, həm də Türk Dövlətləri Təşkilatına üzv ölkələrin strateji həmrəyliyinin və iqtisadi birliyinin simvoluna çevrilib”.
Həm də CAREC-in lahiyə ofisinə rəhbərlik edən Mergen Kepbano bildirib ki, indiki şərtatdə Türkmənistanın türk dövlətləri ilə daha sıx əməkdaşlığa hazır olması xüsusi önəm daşıyır: “Türkmənistan qarşılıqlı ticarət əlaqələrinin genişləndirilməsi, nəqliyyat-logistika marşrutlarının şaxələndirilməsi, enerji və tranzit sahələrində ümumi layihələrə qoşulmaq niyyətindədir”.
Xatırladaq ki, 2010-cu ildən CAREC-in üzvü olan Türkənistan bu proqramın 6 beynəlxalq nəqliyyat və ticarət dəhlizi vasitəsilə beynəlxalq əlaqənin inkişafına xüsusi töhfələr verir. Rəsmi Aşqabad 2018-ci ildə CAREC-ə sədrlik edib və həmin il Proqramın Qarşıdan Gələn Fəaliyyət Planı (CAREC Integrated Trade Agenda - CITA 2030) təsdiq edilib. CAREC-in Türkmənistandakı nümayəndəliyi ətraf mühitin mühafizəsi və dayanıqlı inkişaf məsələləri üzrə fəaliyyətləri dəstəkləyir.
Elxan SALAHOV
