03.06.2024, 20:40 359
- Şuşada Beynəlxalq Sahibkarlar Forumu keçirilib.
Mədəniyyət Nazirliyinin dəstəyi ilə keçirilən foruma ICESCO-ya daxil olan 11 ölkədən - Azərbaycan, Cibuti, Tunis, Tacikistan, Türkiyə, Liviya, Seneqal, Somali, Misir, Mali, Sudandan təmsilçilər qatılıblar.
Forum çərçivəsində “Startapların və gələcək inklüziv texnologiyaların önəmi” mövzusunda panel müzakirə, “Sahibkarlıq vasitəsilə qadınların gücləndirilməsi: Trendlər və Çağırışlar”, "Startapdan biznesə doğru: mərkəzləşdirilməmiş süni intellekt: startapların innovasiya və əməkdaşlıq alətləri vasitəsilə səlahiyyətləndirilməsi: investor və vençur kapitalistlərin baxışı" mövzularında isə panel sessiyalar keçirilib.
Forumda müxtəlif ölkələrdən qatılan mütəxəssislərin və rəsmilərin çıxışları dinlənilib, müzakirələr aparılıb, suallar cavablandırılıb. (Report)
