03.05.2022, 08:00 687
- “Bilirsiniz, bu evlər məcburi köçkünlər üçün inşa edilmişdi. İşğal dövründə məcburi köçkünləri yerləşdirmək üçün, normal şərait yaratmaq üçün böyük işlər görüldü və belə gözəl şəhərciklər yaradıldı. Amma müharibədən sonra mən qərar qəbul etdim, onlar üçün nəzərdə tutulan yerləri biz şəhid ailələrinə təqdim edək ki, onlar çox vaxt gözləmədən tezliklə bu mənzillərlə təmin olunsunlar”.
Prezident İlham Əliyev mayın 2-də Bakının Sabunçu rayonunda şəhid ailələri və müharibə əlilləri üçün nəzərdə tutulan yeni yaşayış kompleksinin açılışı zamanı şəhid Mahir Məmmədovun ailə üzvləri ilə görüşərkən belə deyib. Dövlətimizin başçısı şəhid ailələrinə indiyədək 12 min 500 mənzil verildiyini, ancaq hələ də növbədə duranların olduğunu qeyd edib. Ölkə rəhbəri məcburi köçkünlər üçün Qarabağda, Zəngəzurda evlərin tikilməsinə başlanıldığını vurğulayaraq deyib: “Onlar orada yaşamalıdırlar”.
