17.03.2025, 10:42 158
- Törətdiyi cinayətlərə görə Bakıda həbsdə olan separatçı Ruben Vardanyanın ailə vəkili Zared Qenser milli mənsubiyyət baxımından yəhudi olsa da, düşüncə tərzinə görə haylardan geridə qalmır, əksinə, bəzi sərsəmləmələri ilə hayları belə ötüb keçib. Bu həqiqət onun ABŞ prezidentinin milli təhlükəsizlik məsələləri üzrə müşaviri Mayk Uolçun Azərbaycan-Ermənistan sülh danışıqları barədə səsləndirdiyi ifadələrin hay xisləti ilə tam başqa yöndən yozulmasında da özünü göstərir.
ABŞ rəsmisi Qafqazda daimi sülhün təmin olunmasına bundan sonra da dəstək veriləcəyini vurğulasa da, haybaş vəkil belə fikir yürüdür ki, Ruben Vardanyan həbsdən azad edilməsə, iki ölkə arasında sülh ola bilməz. Bütün meyarlar baxımından bu çox səviyyəsiz və gülməli iddianın müəllifinin nəinki beynəlxalq hüququ, adi reallığı belə dərketmə bacarığından uzaq olduğu görünür. O, baş nazir Nikol Paşinyana və xarici işlər naziri Ararat Mirzoyana yazdığı açıq məktubda da ağıldan kəm haylığını isbatlayıb. O ki qaldı Rubenin hüququna, o da digər separatçılar kimi həm peşəkar vəkil, həm də danışdığı dillərdən tərcüməçi ilə məhz həbs edildiyi gündən təmin edilib. Bu baxımdan R.Vardanyanın ailə vəkilinin hay-küy salması ən azı əxlaqsızlıqdır.
Nəsib Qaramanlı
