Əmək və Əhalinin Sosial Müdafiəsi Nazirliyindən verilən xəbərə görə, Xankəndi şəhərində təşkil olunan kurslara ümumilikdə işğaldan azad olunan ərazilərə köçürüləcək, hazırda ətraf ərazilərdə məskunlaşmış keçmiş məcburi köçkünlərdən 500-dən çox müdavim cəlb edilib.
Nəzəri və praktik hissələrdən ibarət olmaqla iki növbəli təşkil olunan kursları uğurla başa vuran şəxslərin Xankəndi şəhərindəki tikiş fabrikində işlə təminatı həyata keçirilir.
Agentlik qeyd olunan kateqoriyalara aid şəxslərdən daha bir qrupu üçün gələn ay tikişçilik sahəsi üzrə peşə hazırlığı kursu təşkil edəcək və kursu başa vuranların da işlə təminatına dəstək göstəriləcək.
Günel QULİYEVA