02.08.2024, 09:26 256
- Elm və Təhsil Nazirliyi işğaldan azad olunmuş ərazilərdə daha 4 təhsil və təlim-tərbiyə müəssisəsinin qurulması ilə bağlı hazırlıqlara başlayıb. Söhbət Xankəndi şəhərinin Kərkicahan qəsəbəsi və Xocalı şəhərinin hər birində iki məktəb binası və iki uşaq bağçasının yenidən qurulmasından gedir.
"Vətən səsi" xəbər verir ki, nazirliyin təsərrüfat hesablı Əsaslı Tikinti və Təchizat İdarəsi həmin təhsil və tərbiyə ocaqlarının təmir işləri ilə bağlı elan etdiyi 4 tenderə yekun vurub. Tenderin nəticələrinə əsasən, hər iki şəhərdə məskunlaşmanın birinci mərhələsində fəaliyyətə başlayacaq. məktəb və uşaq bağçalarının təmiri və yenidən qurulması “Ideal TM” QSC-yə həvalə edilib. Bunun üçün sifarişçi tərəf qalib şirkətə ümumilikdə 2 milyon 200 min manat ödəyəcək. Həmin vəsaitin 270 min manatı Xocalı şəhər körpələr evi- uşaq bağçasının, 730 min manatı tam orta məktəbin, 460 min manatı Xankəndi şəhəri Kərkicahan qəsəbəsində körpələr evi-uşaq bağçasının, 740 min manatı Kərkicahanda 624 şagird yerlik tam orta məktəb binasının əsaslı təmirinə sərf olunacaq.
Elxan SALAHOV
