31.05.2024, 07:22 350
- Allah şəhidlərimizə rəhmət eləsin, qazilərimizə can sağlığı versin. Tanrı Ordumuzu qorusun, biz bu gün onların sayəsində yurdumuza qayıdırıq.
Bu sözləri Laçına köçən keçmiş məcburi köçkün Yasin Həsənov deyib.
O, qeyd edib ki, bir zamanlar doğma yurdundan məcburi köçkün düşüb: “Laçını tərk edəndə 11 yaşım vardı. Oranı yük maşınının qoşqusunda tərk etməyə məcbur olmuşduq. Novxanıda keçmiş pioner düşərgəsində məskunlaşmışdıq. Bu gün 43 yaşımda ora qayıdıram”.
“Şükür Allaha. Sevincimin həddi-hüdudu yoxdur. Bu hissi ancaq yaşayanlar duya bilər. Allah xalqımızı, Qarabağın işğaldan azad olunmasında xidməti olan bütün insanları var etsin”, - Y.Həsənov əlavə edib. (Report)
